काठमाडौं- नेपाल स्टक एक्सचेञ्ज (नेप्से) परिसूचक ६४.६९ अंक बढेर २ हजार ८७७.०२ विन्दुमा कायम भएको छ । बिहीबार नेप्से परिसूचकसँगै कारोबार रकम पनि बढेको छ । बुधबार १२ अर्ब ३ करोडको कारोबार भएकोमा बिहीबार २१ अर्ब २२ करोडको सेयर किनबेच भयो ।
बिहीबारको सेयर बजारमा २४० कम्पनीको मूल्य बढ्दा २२ कम्पनीको घट्यो भने २ कम्पनीको स्थिर रह्यो । बिहीबार धेरै कारोबार भएका कम्पनीमा ङादी ग्रुप, नेसनल हाइड्रोपावर, रिडी पावर, आँखुखोला जलविद्युत् र माथिल्लो तामाकोशी अगाडि रहेका छन् ।
विकास बैंक समूह सबैभन्दा धेरै ३.९५ प्रतिशत बढ्यो । बैंकिङ ३.१६, फाइनान्स १.९४, होटल तथा पर्यटन १.७५, हाइड्रोपावर २.२९, लगानी १.७७, जीवन बीमा २.७६, उत्पादन तथा प्रशोधन १।८९, माइक्रोफाइनान्स १.२४, निर्जीवन बीमा १.८०, अन्य १.९७ तथा व्यापार ०.१६ प्रतिशत बढे ।
यस्तै, ५ कम्पनीको मूल्य १० प्रतिशत बढेको छ । १० प्रतिशत बढेका कम्पनीमा कर्पोरेट डेभलपमेन्ट बैंक, साल्पा विकास बैंक, रिलायन्स स्पिनिङ मिल्स, सोलु हाइड्रोपावर र होटल फरेस्ट इन छन् । त्यस्तै सान्जेन जलविद्युतको ८, माथिल्लो तामाकोशीको ७.५३, एनआईसी एसिया बैंकको ६.०९, सिटिजन्स बकैंकको ५.८३ तथा माछापुच्छ्रे बैंकको ५.५८ प्रतिशत मूल्य बढ्यो । माहुली लघुवित्तको मूल्य सबैभन्दा धेरै २.९७ प्रतिशत घट्यो ।
By
