काठमाडौं- नेपाल स्टक एक्सचेञ्ज (नेप्से) परिसूचक ४६.७८ अंकले घटेर २ हजार ७९६.५७ विन्दुमा झरेको छ । बुधबार ३४ कम्पनीको मूल्य बढ्दा २२५ कम्पनीको घट्यो भने ३ कम्पनीको स्थिर रह्यो । बुधबारको सेयर बजारमा कारोबार रकम भने ३८ प्रतिशतले घटेको छ । मंगलबार २१ अर्ब ५० करोडको कारोबार भएकोमा बुधबार १३ अर्ब १८ करोडमा खुम्चियो ।
बुधबार धेरै कारोबार भएका कम्पनीमा रिडी पावर, आँखुखोला जलविद्युत्, नेसनल हाइड्रोपावर, अपी पावर र ङादी ग्रुप अगाडि रहेका छन् । बुधबारको बजारमा व्यापार समूह सबैभन्दा धेरै ३.४ प्रतिशत घट्यो । त्यस्तै बैंकिङ १.८२, विकास बैंक १.६१, फाइनान्स २.०८, होटल तथा पर्यटन १.५६, हाइड्रोपावर ०.७१, लगानी १.८७, जीवन बीमा १.९८, उत्पादन तथा प्रशोधन १.४३, माइक्रोफाइनान्स १.६४, निर्जीवन बीमा ०.९७ र अन्य समूह १.८३ प्रतिशत घटे ।
दुई कम्पनी साल्पा विकास बैंक र नेसनल हाइड्रोपावरको मूल्य १० प्रतिशत बढेको छ । त्यस्तै रिलायन्स स्पिनिङ मिल्सको ९.३३, रिडी पावरको ५.७२ प्रतिशत मूल्य बढ्यो । कालिका पावरको मूल्य सबैभन्दा धेरै ८.४७ प्रतिशत घट्यो । पन्चकन्या माइ हाइड्रोपावरको ५.७७, थ्रीस्टार हाइड्रोपावरको ५.३७ तथा ट्रेड टावरको ४.४७ प्रतिशत मूल्य घट्यो ।
By
