काठमाडौं- नेपाल स्टक एक्सचेञ्ज (नेप्से) परिसूचक १९.७० अंकले बढेर २ हजार ८५१.०९ विन्दुमा कायम भएको छ । मंगलबार नेप्से परिसूचक बढे पनि कारोबार रकम भने केही घटेको छ । सोमबार १२ अर्ब ९६ करोडको कारोबार भएकोमा मंगलबार ११ अर्ब ११ करोडको सेयर किनबेच भयो ।
मंगलबारको कारोबारमा १९५ कम्पनीको मूल्य बढ्दा ६३ कम्पनीको घट्यो भने ९ कम्पनीको स्थिर रह्यो । बजारका धेरैजसो समूहगत सूचक बढेका छन् । मंगलबार धेरै कारोबार भएका कम्पनीमा रिडी पावर, अपी पावर, एनआरएन इन्फ्रास्ट्रक्चर, एसवाई प्यानल र कुमारी बैंक अगाडि रहेका छन् ।
उत्पादन तथा प्रशोधन समूह सबैभन्दा धेरै १.९४ प्रतिशत बढ्यो । त्यस्तै बैंकिङ ०.७६, विकास बैंक ०.९०, फाइनान्स १.१२, होटल तथा पर्यटन १.००, हाइड्रोपावर ०.७५, लगानी ०.५६, जीवन बीमा ०.५२, माइक्रोफाइनान्स ०.५१, निर्जीवन बीमा ०.७६ र व्यापार समूह ०.७४ प्रतिशत बढे । अन्य समूह ०.५५ प्रतिशत घट्यो ।
यस्तै, मंगलबारको कारोबारमा ६ कम्पनीको मूल्य १० प्रतिशत बढ्यो । १० प्रतिशत बढेका कम्पनीमा रिलायन्स स्पिनिङ मिल्स, सुपरखुदी हाइड्रोपावर, रिजलाइन इनर्जी, सूर्यकुन्ड हाइड्रोइलेक्ट्रिक, भुजुङ हाइड्रोपावर र होटल फरेस्ट इन रहेका छन् । त्यस्तै, सप्तकोशी विकास बैंकको मूल्य सबैभन्दा धेरै ८.९६ प्रतिशत घट्यो । रिडी पावरको ३.२१ तथा धौलागिरि लघुवित्तको मूल्य २.८० प्रतिशत मूल्य घट्यो ।
By
